zagros news agency

ئەردۆغان ڕایگەیاند، ئەگەر لە خاکی سووریاوە هەڕەشە لەسەر وڵاتەکەیان هەبێت، وەڵامی پێویست دەدەنەوە

 

ڕەجەب تەییب ئەردۆغان، سەرۆککۆماری تورکیا، دوای بەشداریکردنی لە لووتکەی جی ٢٠ لە ئەفریقای باشوور، لێدوانی بۆ ڕۆژنامەنووسان دا و لەبارەی هەڕەشەکانی ئیسرائیل بۆ سەر تورکیا گوتی: “یەکپارچەییی خاکی سووریا بۆ تورکیا خاڵێکی نەگۆڕە و گەلی سووریا چارەنووسی وڵاتەکەی یەکلا دەکاتەوە.”

هەروەها گوتی: “بچووکترین ناسەقامگیری لە سووریا دەبێتە هۆی بارێکی قورس بەسەر وڵاتەکەدا.” ئاماژەی بەوەش دا، هەمووان ئەو هەنگاوانە دەزانن تورکیا کاتێک هەڕەشە لەسەر ئاسایش و ئاشتیی وڵاتەکەی دروست بووە، ناویەتی. گوتیشی: “نامانەوێت جارێکی تر ڕووبەڕووی هەڕەشە و مەترسییەکی هاوشێوە ببینەوە.” جەختی لەوەش کردەوە، ڕووبەڕووی هەر هەڕەشە و مەترسییەک ببنەوە، ڕێکاری پێویست دەگرنە بەر.

ئەردۆغان گوتی: “هەمیشە ڕامانگەیاندووە چاومان لەسەر خاکی هیچ وڵاتێک نییە. تورکیا ئاشتی، ئارامی و ئاسایشی لە هەموو ناوچەکەدا دەوێت، بەتایبەتی لە سووریا، عێراق و لوبنان.” گوتیشی: “حکوومەتی ئیسرائیل باش دەزانێت هەر هەنگاوێک لە ناوچەکەدا دەینێت، هەم نایاساییە و هەم سەرچاوەی ناسەقامگیرییە.”

هەواڵی پەیوەندیدار

پەیمانگەی فیلمی ئەمریکی تۆم کرۆز خەڵات دەکات

ART

ئەمریکا پاداشتی دە ملیۆن دۆلاری بۆ زانیاری دەربارەی هاکەرانی ئێران تەرخان دەکات

سەڵاح

سه‌ركرده‌یه‌كی كورد له‌رێگای زاگرۆسه‌وه‌: دڵنیاتان ده‌كه‌مه‌وه‌ بۆ پێكهێنانی حكوومه‌تی عێراق دووباره‌ ده‌گه‌رێنه‌وه‌ بۆ كوردستان

یاسین