85 کۆمپانیای گەورەی ئیسپانی سەردانی هەولێر دەکەن

هەولێر و مەدرید پردێکی نوێی ئابووری دروست دەکەن و 85 کۆمپانیای گەورەی ئیسپانی سەردانی هەولێر دەکەن.

ژووری بازرگانی و پیشەسازی هەولێر لە هەنگاوێکی ستراتیژیدا بۆ بەهێزکردنی پێگەی ئابووری هەرێمی کوردستان لەسەر ئاستی ئەورووپا دا، شاندی ژووری بازرگانی و پیشەسازی هەولێر سەردانی ژووری بازرگانی ئیسپانیایان لە شاری مەدرید کرد.

ژووری بازرگانی و پیشەسازی هەولێر ئاشكراشی كردووە:”تەوەرێکی تر گرنگی ئەم دیدارە، بڕیاری سەردانی شاندێکی گەورەی ئیسپانیا بوو بۆ هەولێر لە داهاتوویەکی نزیکدا، کە پێکهاتووە لە 85 گەورە کۆمپانیا و وەبەرهێنەری ئیسپانی، ئەم شاندە بە ئامانجی وەبەرهێنان و کارکردن لە گشت سێکتەرەکان، بەتایبەت لە بوارەکانی کشتوکاڵ و گەشتیاری کە خاڵی بەهێزی ئیسپانیان، دێنە هەرێمی کوردستان.”