لە هەنگاوێکی کوتوپڕدا کە ئاماژەیە بۆ تێکچوونی خێرای دۆخی ئەمنی ناوچەکە ئەمڕۆ هەینی، 27ی شوباتی 2026، باڵیۆزخانەی ویلایەتە یەکگرتووەکانی ئەمریکا لە ئیسرائیل، بەرزترین ئاستی هۆشداریی ئەمنی بڵاو کردەوە و داوا لە تەواوی هاووڵاتییانی دەکات “دەستبەجێ” و بە خێرایی خاکی ئیسرائیل جێبهێڵن.
بەگوێرەی ئاگادارییەکی بەپەلە (Security Alert) کە ئەمڕۆ هەینی لەلایەن باڵیۆزخانەکەوە بڵاو کراوەتەوە، داوا لە هاووڵاتییانی ئەمریکی دەکرێت پشت بە گەشتە بازرگانییەکان ببەستن و چاوەڕێی گەشتی حکومی نەکەن، چونکە دۆخی ئەمنی بە شێوەیەک دەگۆڕێت کە پێشبینی ناکرێت.
باڵیۆزخانەکە هۆکاری ئەم بڕیارە بەپەلەیەی بۆ “زیادبوونی مەترسییە ئەمنییەکان، ئەگەری هێرشی مووشەکی و ئاڵۆزبوونی دۆخی سنوورەکان” گەڕاندووەتەوە.
لە بەشێکی ئاگادارییەکەدا هاتووە: “دۆخی ئەمنی زۆر ناسەقامگیرە و دەکرێت لە هەر ساتێکدا ڕێگەکانی گواستنەوەی ئاسمانی و زەمینی بەتەواوی دابخرێن، بۆیە تا دەرفەت ماوە خۆتان ڕزگار بکەن.”