وەزارەتی دەرەوەی ئەمریکا، لە بەیاننامەیەکدا داوای لە هاووڵاتییانی وڵاتەکەی کرد لە سەرتاسەری جیهان، بەتایبەتی لە ناوچەی رۆژهەڵاتی ناوەڕاست، ئەوپەڕی وریایی بنوێنن.
وەزارەتی دەرەوەی ئەمریکا هۆشداریی داوە لە ئەگەری بە ئامانجگرتنی بنکە و دامەزراوە دیپلۆماسییەکانی ئەمریکا، تەنانەت ئەو بنکانەشی کە لە دەرەوەی ناوچەی رۆژهەڵاتی ناوەڕاستن.
لە بەیاننامەکە ئاماژە بەوە دراوە، گرووپە لایەنگرەکانی ئێران ئەگەری هەیە بەرژەوەندییەکانی ئەمریکا لە دەرەوە، یان ئەو شوێنانەی پەیوەندییان بە ویلایەتە یەکگرتووەکان و هاووڵاتیانی ئەمریکییەوە هەیە لە سەرتاسەری جیهاندا، بکەنە ئامانج.