سوپای ئیسرائیل ڕایگەیاند هەشت بەش لە پردەکان لە ئێران کردووەتە ئامانج کە هێزەکانی کۆماری ئیسلامی بۆ گواستنەوەی چەک و ئامرازە سەربازییەکان بەکاریان دەهێنا.
سوپای ئیسرائیل لە بەیاننامەیەکدا لە تۆڕی «X» نووسی ئەم پردانە بۆ گواستنەوەی چەک بۆ ئەنجامدانی «کردە تیرۆریستییەکان» دژی ئیسرائیل و وڵاتانی دیکەی ناوچە بەکاردەهێنرێن.
بەگوێرەی ئەم بەیاننامەیە، ئامانجی ئەم هێرشانە ڕێگریکردنە لە بەکارهێنانی ئەم ڕێگایانە بۆ گواستنەوەی چەک و لاوازکردنی سیستەمەکانی ئەمنیی ئێران.
سوپای ئیسرائیل جەختی کردەوە بە شێوەیەکی سیستەماتیک و بە پلانێکی دیاریکراو بۆ لەنێوبردنی «سیستەمی سەرکوت و تیرۆر»، نەک خەڵکی ئێران کاردەکات.
هەروەها داوای لە خەڵک کرد کە بە «پڕۆپاگەندەی فەرمیی کۆماری ئیسلامی» فریو نەخورێن.