ڕێکخراوی هیومان ڕایتس وۆچ دەڵێت، دەسەڵاتدارانی لوبنان پەنابەرانی سووری دەستگیر دەکەن و بە زۆر دەیانگەڕێننەوە بۆ وڵاتەکەیان.
هیومان ڕایتس وۆچ ڕایگەیاندووە، دەسەڵاتدارانی لوبنان لە چەند مانگی ڕابردوودا پەنابەرانی سووریایان دەستگیرکردووە و بە زۆرەملێ گەڕاندووەتەوە بۆ سووریا، لەنێویاندا چالاکوانانی ئۆپۆزسیۆن و وازهێنراوانی سوپای سووریاش هەن.
ڕێکخراوی مافی مرۆڤ داوای لە وڵاتانی پێشکەوتوو کرد هێزی ئەمنی و سەربازیی لوبنان بۆ پێشێلکردنی مافەکانی مرۆڤ بەکارنەهێنن، هەروەها فشار بخەنە سەر ئەو دامەزراوانە بۆ ڕاگرتنی پێڤاژۆی گەڕانەوەی زۆرەملێ و هەموو پێشێلکارییەکانی دژی سوورییەکان.
