ئۆرسۆلا فۆن دێر لاین، سەرۆکی کۆمیسیۆنی ئەورووپا ئهمڕۆ دووشەممە ڕایگەیاند، هێشتا کات زووە بۆ هەڵگرتنی ئەو سزایانەی بەسەر ئێراندا سەپێنراون.
فۆن دێر لاین لە لێدوانێکیدا لە بەرلین لە کاتی کۆبوونەوەی پارتی یەکێتی دیموکراتی مەسیحی و هاوپەیمانە باڤارییەکەی، جەختی لەوە کردەوە کە “هەڵگرتنی سزاکان زۆر زوو دەبێت”، ئاماژەی بەوەش کرد کە ئەم ڕێکارانە بەهۆی ئەوەوە سەپێنراون کە ئەو بە سەرکوتکردنی گەلی ئێران لەلایەن دەسەڵاتدارانەوە ناوی برد.
وتیشی، هەر بڕیارێک بۆ هەڵگرتنی سزاکان دەبێت “گۆڕانکارییەکی بنەڕەتی” لە ناوخۆی ئێراندا لەپێش بێت، و جەختی کردەوە کە ئەم مەرجە پێش هەڵگرتنی سزاکانی ئەورووپا بەرامبەر تاران پێویستە.
رۆیتهرز