ئەندامێکی ئەنجومەنی شاری تاران گوتی لە کاتی جەنگی ئەم دواییەدا، ٦٥٠ خاڵی پایتەخت کراونەتە ئامانج و ١٢٦٠ کەسیش کوژراون.
مەهدی بابایی، سەرۆکی لیژنەی سەلامەتیی ئەنجومەنی شاری تاران، بە ئاژانسی هەواڵی ئێرنای گوت ١٧١٨ خێزانی ئاوارەی شەڕ بە ٥٧٥٩ کەسەوە، بە شێوەی کاتی لە ٤٦ هۆتێلدا نیشتەجێ کراون.
بابایی گوتی زۆرترین هێرش لە تاران کراوەتە سەر ناوچەکانی ١، ٣ و ٢١. جەنگەکە لە ٢٨ی شوبات بە هێرشی ئیسرائیل و ئەمریکا بۆ سەر ئێران دەستی پێ کرد و لە ٧ی نیسان بە نێوەندگیریی پاکستان ئاگربەستی کاتی ڕاگەیەندرا.