بەڕێوەبەرایەتی گشتی کەشناسی و بوومەلەرزەزانی هەرێم ڕایگەیاند؛ ئەمڕۆ پێنجشەممە 28-05-2026، ئاسمان بە گشتی نیمچە هەور دەبێت لەگەڵ ئەگەری بوونی تۆزێکی سوک لە کەشوهەوادا. پلەکانی گەرما بەراورد بە تۆمارکراوەکانی دوێنێ بە (2 بۆ 3) پلە بەرز دەبنەوە، خێرایی با لەسەرخۆ بۆ مامناوەند دەبێت (10-20) کم/ک بە ئاراستەی باشووری خۆرهەڵات و مەودای بینین لە نێوان (7-8) کم دەبێت.
پەیوەست بەمەشەوە کەشی سبەی هەینی 29-05-2026، ئاسمان نیمچە هەور دەبێت و پێشبینی دەکرێت لە کاتەکانی بەیانییەوە شەپۆلێکی تۆزوخۆڵ ڕوو لە ناوچەکەمان بکات؛ سەرەتا کاریگەرییەکەی لە ناوچەکانی باشوور و ڕۆژئاوای هەرێمەوە دەست پێدەکات و پاشان لە کاتەکانی دوای نیوەڕۆدا زۆربەی ناوچەکانی هەرێم دەگرێتەوە، کە کاریگەری ئەم خۆڵبارینە تا ئێوارەی ڕۆژی شەممە بەردەوام دەبێت. لەگەڵ هاتنی ئەم شەپۆلەدا، پلەکانی گەرما بە شێوەیەکی بەرچاو بە (4 بۆ 6) پلەی سیلیزی بەراورد بە ئەمڕۆ نزم دەبنەوە.
بەرزترین پلەکانی گەرمای پێشبینیکراو بۆ ئەمڕۆ و سبەی:
هەولێر ئەمڕۆ 36 سبەی 31
سلێمانی ئەمڕۆ 34 سبەی 29
دهۆک ئەمڕۆ 35 سبەی 30
هەڵەبجە ئەمڕۆ 37 سبەی 31
گەرمیان ئەمڕۆ 41 سبەی 35
زاخۆ ئەمڕۆ 37 سبەی 32
چەمچەماڵ ئەمڕۆ 36 سبەی 30
پیرمام ئەمڕۆ 32 سبەی 26
حاجی ئۆمەران ئەمڕۆ 23 سبەی 21