پێشبینی دەکرێت دیدیێ دیشامپ لە یاریی بەرامبەر عێراقدا گۆڕانکاری لە پێکهاتەکەیدا بکات؛ بەپێی ڕۆژنامەی “لێکیپ” بارکۆلا لە باڵی چەپ یاری دەکات و دوێ دەخرێتە سەر کورسی یەدەگ.
ڕاهێنەری فەڕەنسا دەیەوێت مایکڵ ئۆلیسێ وەک یاریزانی ژمارە 10 بخاتە قووڵایی بەرگری عێراقەوە بۆ دروستکردنی مەترسی زیاتر.
ئەم پێکهاتە هێرشبەرە بە ڕابەرایەتی ئێمباپێ و دێمبێلی، لەگەڵ هێڵێکی بەرگری بەهێز بە بوونی سالیبا و ئۆپامێکانۆ، ئەرکێکی یەکجار قورس دەخاتە سەر شانی شێرەکانی ڕافیدەین.
جێی باسە، ڕاگرتنی ئەم کۆمەڵە ئەستێرەیە پێویستی بە پلانێکی بەرگری تۆکمە و کەم وێنە دەبێت لەلایەن هەڵبژاردەی عێراقەوە.