وەڵامێکی کورت بۆ کەناڵ ( ٨ )
کاک بژار تۆزێک لەسەرخۆ
لەمیانی گەشتی هەواڵەکانی کاتژمێر ( ١٢ )ی ڕۆژی یەکشەممە ( ١٢ ی تەمووزی ٢٠٢٦ ) کەناڵ ( ٨ )، بژار دەباغ بێژەری کەناڵەکە هەندێک داتا و زانیاری ناڕاست بە ناوی وەزارەتی دارایی بڵاوكردەوە، بەپێویستمان زانی وەڵامێکی کورتی بدەینەوە.
١- لەپەرتووکی کار و چالاکی و چاکسازییەکانی وەزارەتی دارایی لە ( ٢٠١٩ تا ٢٠٢٥ ) داتای حەوت ساڵمان بڵاوکردووەتەوە و بەوردی باسمان لەوە کردووە کە لەم کابینەیە لە کۆی ٨٤ مانگ ٧٤ مووچە دابەشکراوە.
٢- وا باشترە کاک بژار هەندێک کاتی خۆت تەرخان بکەی و چاوێک بە پەرتووکەكەی وەزارەتمان بخشێنی ، ئەوسا ڕاستییەکان و داتاکان بخەیتەڕوو.
٣- زۆر هەوڵماندا نەمانزانی ئەو داتایانەی باسی دەکەی لە کوێ دەستت کەتووە و لە چ جوعبەیەک دەرت هێناوە؟! لەوەدا ئازادی باسی مووچەی چەند ساڵ و مانگ و کابینەیەک بکەی بەڵام بەناوی ئێمەوە تۆماری مەکە تکایە!
تەنها بۆ وەبیرهێنانەوە حیزبەکەی جەنابتان لە حکومەتدا بەشدارە و هەر هیچ نەبێت بەرپرسە ( ٤٣ ٪ )ی هەرێم کە ناسراوە بە زۆنی ……..
وەزارەتی دارایی و ئابووری
١٣ ی تەمووزی ٢٠٢٦