ئەمڕۆ چوارشەممە، لە بارەگای لقی ٣ی پارتی دیموکراتی کوردستان لە شاری کەرکووک، کۆبوونەوەیەکی هاوبەشی حیزب و لایەنە سیاسییە کوردستانییەکانی شارەکە بەڕێوەچوو.
لە کۆبوونەوەکەدا باس لە دوایین پەرەسەندنە سیاسییەکانی کەرکووک و بارودۆخی ئیداری و ئەمنیی شارەکە کرا. ئامانجی سەرەکی کۆبوونەوەکە هەماهەنگی زیاتری نێوان لایەنە کوردستانییەکان بوو بۆ یەکخستنی هەڵوێستەکان بەرامبەر پرسە چارەنووسسازەکانی پەیوەست بە کەرکووک و مافی پێکهاتەکان.
ئەم کۆبوونەوەیە لە کاتێکدایە کە لایەنە کوردستانییەکان جەخت لەسەر پێویستیی ئاساییکردنەوەی دۆخی شارەکە و خزمەتکردنی زیاتری هاووڵاتیان بەبێ جیاوازی دەکەنەوە.