نووسینگەی ڕاگەیاندنی سەرۆکوەزیرانی عێراق ڕایگەیاند، ئەمڕۆ عەلی زەیدی پێشوازی لە خالید بن عەلی ئەلحومەیدان، سەرۆکی دەزگای هەواڵگریی سعوودیە و شاندی یاوەری کردووە.
شاندە سعوودیەکە پەیامێکی فەرمی سەرکردایەتیی شانشینی سعوودیەیان گەیاندووەتە سەرۆکوەزیرانی عێراق و تێیدا بانگهێشتنامەکەیان بۆ سەردانیکردنی ڕیازی پایتەخت نوێ کردووەتەوە.
ئەم هەنگاوە دیپلۆماسییە دوای قۆناغێک لە ساردی و دواخستنی سەردانەکە دێت، کە پێشتر بەهۆی هێرشە ئاسمانییەکانی ئەمریکا و سعوودیە بۆ سەر پێگەی گروپە چەکدارەکان لە عێراق پەکخرابوو. بەپێی سەرچاوە فەرمییەکان، لە ئێستادا لە ڕێگەی کاراکردنەوەی لیژنە ئەمنییە هاوبەشەکانەوە، زەمینە بۆ ئەنجامدانی ئەم سەردانە لە داهاتوویەکی نزیکدا خۆش کراوە