وەزارەتی کارەبای هەرێم ڕایدەگەیەنێت، چاكسازیی لە تۆڕەكانی هێڵی پاڵەپەستۆی بەرزی نێوان هەولێر و دهۆک بە سەركەوتوویی جێبەجێكرا.
وەزارەتی کارەبای حکومەتی هەرێمی کوردستان لە ڕاگەیەندراوێکدا بڵاویکردەوە، پاش جێبەجێكردنی كاری چاكسازیی لەسەر تۆڕەكانی پاڵەپەستۆی بەرزی نێوان هەولێر و دهۆک، كە لە كاتژمێر 4ـی بەرەبەیانی ئەمڕۆ تاوەكو 10ـی بەیانی بە سەركەوتوویی پڕۆسەکە بەڕێوەچوو.
ڕاشیگەیاند، دوای ئەوەی تیمە تەكنیكییەكانی وەزارەت توانییان تەواوی كاری چاكسازییەكە بۆ تۆڕەكان ئەنجامبدەن و توانای جێگیری تۆڕەكە و گواستنەوەی كارەبا بەرزبكەنەوە، بێ ئەوەی لە کاتی بەڕێوەچوونی کارەکە، كاریگەریی لەسەر بڕینی كارەبای هاوبەشانی پارێزگای دهۆک و ئیدارەی سەربەخۆی زاخۆ هەبێت.