شارەزای کەشناسی، سالار حاجی عەلی، هۆشداری دەدات لە هاتنی شەپۆلێکی بەهێزی باران و بەفر کە لە ٢٨ی تشرینی یەکەمەوە دەستپێدەکات و بۆ ماوەی نزیکەی حەوت ڕۆژ بەردەوام دەبێت. بەپێی وتەی ئەو شارەزایە، ئەم ناسەقامگیرییە کەشوهەوایە بە دوو قۆناغ تا سەرەتای مانگی تشرینی دووەم دەخایەنێت؛ سەرەتا لە ناوچە شاخاوییەکانی پارێزگاکانی دهۆک و هەولێر سەر هەڵدەدات و دواتر پەرەدەسێنێت بۆ سلێمانی، کەرکوک، هەڵەبجە و ئیدارەی گەرمیان، کە لەگەڵ خۆیدا با دەکات و هەورەبرووسکەی چالاکیشی پێ دەبێت.
لە قۆناغی دووەمی ئەم شەپۆلەدا، پلەکانی گەرما بە شێوەیەکی بەرچاو دادەبەزن. پێشبینی دەکرێت ڕێژەی بارانبارین لە نێوان ١٥ بۆ ٥٠ میلیمەتر بێت، و لە هەندێک لە بەرزایی و ناوچە شاخاوییەکاندا بگاتە ٧٠ میلیمەتر، ئەمەش مەترسیی دروستبوونی لافاوی لێدەکرێت. هاتنی ئەم گۆڕانکارییە خێرایە لە کاتێکدایە کە پێشبینییە فەرمییەکانیش ئاماژە بە دەستپێکی زووی سەرمای پاییز و ئەگەری بەرزبوونەوەی ئاستی ئاو لە شوێنە نزمەکان و ئیدارە سەربەخۆکانی هەرێمدا دەکەن.
ئ