ئه‌مڕۆ پێنجشه‌ممه 2024/5/23 به‌ڕێز فه‌وزى هه‌ريرى، سه‌رۆكى ديوانى سه‌رۆكايه‌تيى هه‌رێمى كوردستان، له‌گه‌ڵ به‌ڕێز ئه‌حمه‌د ئيبراهيم ئه‌لزاهرى، كونسوڵى گشتيى ئيمارات له هه‌رێمى كوردستان، كۆبووه‌وه.
له كۆبوونه‌وه‌كه‌دا ده‌رباره‌ى چۆنيه‌تيى بره‌ودان به په‌يوه‌ندييه‌كانى ئيمارات له‌گه‌ڵ عێراق و هه‌رێمى كوردستان به‌تايبه‌تى فراوانكردنى جووڵه‌ى بازرگانيى نێوان هه‌ردوولا، بيروڕايان گۆڕييه‌وه، هه‌روه‌ها تيشكيان خسته سه‌ر ده‌رفه‌ت و بواره‌كانى وه‌به‌رهێنان و سه‌رمايه‌گوزاريى ئيماراتى له هه‌رێمى كوردستان.