وەزارەتی پێشمەرگەی حکوومەتی هەرێمی کوردستان راگەیاندراوێکی لەبارەی هاوکاری هێزەکانی هاوپەیمانان بۆ هێزی پێشمەرگە بڵاوکردەوە.
لە راگەیاندراوەکەی وەزارەتی پێشمەرگە هاتووە: “دوای ئەوەی هاوکاری هێزەکانی هاوپەیمانان بۆ هێزی پێشمەرگە خراوەتە سەر هەژماری وەزارەتی پێشمەرگە، بەڕێوەبەرایەتی گشتیی بودجە و بەرنامەکان (ژمێریاری سەربازی) ڕێکارە دارایی و ژمێریارییەکانی ئەنجام داوە.”
ئاماژە بەوەش دراوە کە بانکەکان ئاگادار کراونەتەوە کە ڕۆژی پێنجشەممە 18ی تەمووزی 2024، هاوکاری مانگی 6ی2024 دابەش بکرێت.