zagros news agency

بە فەرمانی مەسرور بارزانی لە بارەی باجەوە چەند بڕیارێک لە بەرژەوەندیی هاووڵاتیان درا

 

بە بڕیاری سەرۆکی حکوومەتی هەرێمی کوردستان وەرگرتنی چەند جۆرە باجێک راگیرا و بەڕێوەبەری گشتیی باج و دەرامەتیش لە وەزارەتی دارایی چەند زانیارییەک لەمبارەیەوە دەخاتە روو.

ئەمڕۆ سێشەممە 23/7/2024، کەمال وەرتی، بەڕێوەبەری گشتیی باج و دەرامەتی حکوومەتی هەرێمی کوردستان لە پرێس کۆنفرانسێکی رۆژنامەوانیدا رایگەیاند: “بە بڕیاری مەسرور بارزانی، سەرۆکی حکوومەتی هەرێمی کوردستان بڕیاردرا بە راگرتنی وەرگرتنی %10ی باجی سەر چێشخانە و هۆتێلەکان و باجی سەر نانەواخانە و سەمونخانەکان.”

هەروەها ئاماژەشی بەوە دا کە هەر بە بڕیاری سەرۆکی حکوومەت، %5ی باجی سەر نەخۆشخانە ئەهلییەکان هەڵدەگیرێت و باجی سەر زەوی بەتاڵیش راگیرا.

بەڕێوەبەری گشتیی باج و دەرامەت روونیشی کردەوە کە بڕیارەکانی سەرۆکی حکوومەت جووڵە دەخاتە بازاڕەوە و سەرجەم بڕیارەکانیش لە بەرژەوەندیی هاووڵاتیانی هەرێمی کوردستانە.

هەواڵی پەیوەندیدار

هەرێمی کوردستان دەبێتە خاوەن ڕێبه‌ر‌ێکى تایبەت بە وەبەرهێنان

سەڵاح

وەزارەتی دەرەوە ناوەڕۆکی “نامە هۆشداریکەرەوەکەی واشنتۆن” بۆ عێراق ئاشکرا دەکات

سەڵاح

ڕوونکردنەوەیەک لە وەزارەتی سامانە سروشتییەکانەوە

یاسین