وەزارەتی پەروەردە رایگەیاند تاقیکردنەوەکانی خولی یەکەمی پۆلی 12 لە (23-6-2024 تاوەکو 17-7-2024) دەستپێدەکات و لە هەر هەفتەیەکدا دوو تاقیکردنەوە ئەنجام دەدرێت.
هەروەها خولی دووەمی پۆلی 12 لە (17-8-2024 تاوەکو 4-9-2024) بەڕێوەدەچن، هاوکات راشگەیەندرا کە بەشێک لە پرۆگرامەکانی خوێندنی پۆلی 12 کەمکراوەتەوە لە هەموو وانەکان جگە لە وانەی ئایینناسی.
سەبارەت بە پشووەکانی بەهار، وەزارەتی پەروەردە بڕیاریداوە ئەو قوتابخانانەی لە (13-9-2023) دەستیان بە خوێندن کردووە لە (11 تا 23-3-2024) پشوویان هەیە و ئەوانەشی لە خوێندن دواکەوتوون، دەسەڵات دراوە بە پەروەردەکان سوود لە کاتی پشووەکان وەربگرن بۆ درێژەدان بە خوێندن.