رێبوار حەمەلاو شوانى
لە مێژووى هەر گەل و نەتەوەیەک کاتێک فریادڕەسێک و کەسایەتیەک کە لە پەرۆشى گەل و نیشتیمانێک دا بێت کە دەیان ساڵە بە نێو ئاگروشەڕوستەمکارییدا تێپەڕیووە لە پێناو ژیانێکى ئارام و پێشکەوتوو و هەوڵەکانى لە پێناو دروستکردنى وەرچەرخا لە رووى حکوومرانى و دەوڵەتەدارى بخانەتەگەڕ و هەوڵەکانى لە چوار چێوەى گۆرانکارى وپێشکەوتن بێ، روون وئاشکرایە کە نەیارانى نێوخۆى و دەرەکى ئەستەمە بتوانن ئەو گۆرانکارى و پێشکەوتنە خێراییانە هەرس بکەن ، بەتایبەت کە ئەگەر ئەو هەنگاوانە لە دژى بەرژوەندییە کەسى و حزبییەکانیان بێت ، ئێستا ڕێک لە ماوەى پێنج ساڵى حکوومرانى کابینەى نۆیەم بە سەرۆکایەتیی مەسروور بارزانى ، سەرۆکوەزیرانى کوردستان هەموو ئەو راستیانە روویاندا و بەکردەوە لە هەموو لایەکەوە پەڵاماردان و دروستکردنى ئاستەنگ وکۆسپ بوونى هەبوو ، بەڵام ئەو راستییەشمان بینى کە بەرامبەر هەر هێرش وپەڵاماردان و پیلانگێرییەک چەندین پرۆژەى ستراتیژى جێبەجێ کران.
هەنگاوەکانى مەسروور بارزانى ، شۆڕشێکى هەمەلایە بوو هەم لەرووى ئابوورى و کشتووکال و چاکسازى لە گشت بوارەکاندا بەتایبەتى رووبەڕووبوونەوەى گەندەڵى و گەندەڵکاران تا بە ئێستاش درێژەى هەیە ، هەر ئەوەش ترس و هیستریاییەکى زۆرى لە نێو نەیارانى نێوخۆى و دەرەکیش دروستکردووە چونکە دوژمنان هەمیش حەزیان بەوەیە کە کوردستان ئاڵۆز بێت و یاسا سەروەر نەبێت و مافیاکان رۆڵیان هەبێ تا حکوومەت وەک چۆن لە بەغدا ئەمڕۆ بە ئاسانى هەستى پێدەکرێت ، هەر ئەوەشە هەندێک کەس ولایەن بە هەموو توانایەکیانەوە بە گووتارى سیاسى ومیدیاییەوە توانایی ئەو هەرسکردنى ئەو گۆرانکارى و پێشکەوتن و پلان وستراتیژییانەى حکوومەتى کوردستان کە مەسروور بارزانى، سەرۆکوەزیرانى کوردستان ئاڵاهەڵگرێتى ناکەن و بەهەموو شێوەیەک چەواشەکارى وپەڵامارى دەدەن .
ئەگەر هەڵوەستەیەکى وردبینانەش بکەین ، هەر لە سەرەتاى دەستبەکاربوونى وەک سەرۆکى حکوومەتى کوردستان، پێش هەموو شتێک باسى لە شێوازى حکوومرانى و چۆنێتى بەڕێوەبردنى نیشتیمانى کرد ، حکوومەتى کوردستانى بە حکوومەتى هەمووان ناوبردن ، بە شێوەیەک ئیتر دەبێ یاسا سەروەر بێت ، بەرژوەندى حزبى و کەسى و خۆسەپاندن کۆتایی پێبێت ئەوەش بەدیدى خەڵکى کوردستان وەرچەرخانێکى ئەرێنى بوو ، لە نیگاى خۆپەرستان و هەندێک کەس حکوومڕانییەکى توند وسەختە چونکە ئەو هەنگاوانەى هیچ لە بەرژوەندى حزب وکەسى نین .
بۆیە، وەک دەبینرێت ، دواى پێنج ساڵ لە حکوومڕانى کابینەى نۆیەم بە سەرۆکایەتى مەسروور بارزانى ، هەموو هەنگاوەکان لە سەر بنەماى روونى و زەڵالى و دوور لە رۆتین و بە شێوەیەکى سیستماتێکى و لە سەر بنەماى پێکەوە کارکردن و خزمەتکردنى هاووڵأتیان وئاساسانکارى و هەماهەنگى کردن و جێبەجێکردنى هەموو خاڵ و کارنامەى حکوومەتى کوردستانە .
ئەوانەى لە رابردوو ئێستادا ، تیرە ژەهراوییەکانیان بە ئاڕاستەى مەسروور بارزانییە و لە نێو حکوومەتى کوردستان خەنجەرى ژەهراوى نەیارانى کوردستان لە پشتى گەل و نیشتیمان وحکوومەتەکەیان دەدەن بۆ ئەوەیە کە رێگریان لێدەکات و کۆسپیان بۆ دروست دەکات لەوەى بەرنامە وکارنامەى نەیارانى کورد و وڵاتانى هەرێمى کە مەرامیان دژایەتیکردنى کوردستان و دامەزراوەکانیێتى و یەکێتی بە پاڵپشتى هەندێک لایەنى بە ناو ئۆپۆزسیۆن بەرنامەى دوژمنان جێبەجێ دەکەن
ئەوەى مەسروور بارزانى، سەرۆکوەزیرانى کوردستان لەماوەى پێنج ساڵى حکومرانیی کارى لە سەررکردووە داڕشتنەوەى سەر لەنوێى حکومڕانیی بووە ، ڕێگریکردن لە گەندەڵکارى و قۆرخکاران بوو و پلان وبەرنامەى نوێى و ئامادەکارى بۆ گۆرانکارییە ناوخۆیی و ناوچەیی ونێودەوڵەتییەکان ، کە بە ئیرادەیەکى پۆڵایین و ڕژدبوونە لە سەریان لە پێناو کوردستانێکى بەهێز وئاوەدان و گەشەسەندوو ، بۆیە ، ئەوانەى کە ئاستەنگى بۆ دروست دەکەن و دژایەتی دەکەن و گرەو لە سەر شکستپێهانیان دەکرد ، پێوستە بە مێژووى پێشکەوتن و گەشەسەندن وڵاتان دا بچنەوە ، ئەوەش بخەنە نێو مێشکیانانەوە کە ئەستەمە بتوانن پێش لەو هەنگاو و وەرچەرخانە مێژووییە بگرن کە بارزانى ئاڵاهەڵگرێتى و باشترە سەریان بۆ راستییەکان بچەمێنن و چونکە ئەمڕۆ بەرژوەندییە باڵاکانى گەل و نیشتیمان لە پێش هەموو بەرژوەندییەکى تردایە .
هەر ئەوەشە کە هێرش وپەڵامادرانى مەسروور بارزانى ، لە دوێنى و ئەمرۆ و ڕەنگە سبەیش هەمان زێهینەتى رابردوو و مێژووییەکى شکستخواردوو و بێ ئەنجام و دەستکەوت بووە و هەمان ئەو کەس ولایەنانەن کە درێژەپێدەرى هەمان زێهنیەتن لە کاتێکى جیاوازدا ، بۆیە ، ئیتر سەردەمى چەواشەکارى و گەوجاندن و بەڵارێدا بردنى خەڵک بەسەر چووە ،
و تیرە ژەهراوییەکانتان نەک هەر ئامانجى خۆى ناپێکێت بەڵکو قەڵغانێک دروستبووە کە باش دەزانێت کە لە بەرژوەندى و پەرۆشى گەل و نیشتیمانەکەیدایە .