یاریدەدەری سهرۆك وهزیرانی ههرێمی كوردستان ڕایگەیاند، شاندێکی دارایی لە بەغدان و لیستی مووچەی مانگی 10ـیان بردووە.
رێباز حهملان، یاریدهدهری سهرۆك وهزیرانی ههرێمی كوردستان، لە پرێس كۆنفرانسێكدا رایگهیاند: “شاندێكی وهزارهتی دارایی و ئابووریی هەرێمی كوردستان لە بەغدان و لیستی مووچهی مانگی 10ی گهیاندووهته بهغدا.”
ڕوونیشی کردەوە: “بۆ مووچەی مانگی 10 پێویستمان به 996 ملیار دیناره.”
ئاماژەی بەوەش دا: “گفتوگۆکان بەردەوامن بۆ چارەسەرکردنی ئەو کێشانەی لەنێوان هەولێر و بەغدا ماون، لەو سۆنگەیەوە، تا 20ی مانگی داهاتوو مۆڵهت دراوهته ئهو كهسانهی، كه بایۆمهتری و (UPN)ـیان نییه، به تهواوبوونی ئهوهش، كێشهی تهكنیكی لهگهڵ بهغدا كۆتایی دێت”
ئاشکراشی کرد، دوو هەزار و 200 فەرمانبەر و مووچەخۆر ماون بایۆمەتری بکەن.