لە پەیوەندیەکی تەلەفۆنیدا مەسرور بارزانی سەرۆکی حکومەتی هەرێمی کوردستان پرسە و سەرەخۆشی لە وەزیری تەندروستی دەکات.
ئێوارەی ئەمڕۆ سێشەممە ٢٠٢٤/١١/١٢، مەسرور بارزانی سەرۆکی حکومەتی هەرێمی کوردستان لە پەیوەندیەکی تەلەفۆنیدا پرسە و سەرەخۆشی لە (د. سامان بەرزنجی) وەزیری تەندروستی حکومەتی هەرێمی کوردستان و خانەوادە و کەسوکاری خوالێخۆشبوو دەکات بەبۆنەی کۆچی دوایی مامی بەڕێزیان (سید حسن سید محمد بەرزنجی) پێشمەرگە و کادیری پێشکەوتووی ڕێبازی پیرۆزی بارزانی نەمر و پارتی دیموکراتی کوردستان و شۆڕشی مەزنی ئەیلول و خەباتگێری زیندانی سیاسی ڕێگای رزگاریخوازی کوردستان.
وەزیری تەندروستی بەناوی خۆیی و خانەوادەی خوالێخۆشبوو، زۆر سوپاسی جەنابی ڕێزدار (مەسرور بارزانی) سەرۆکی حکومەتی هەرێمی کوردستان و ستایشی پەیوەندی و پەیامی پرسەنامەی بەڕێزیانی کرد.