ئەمڕۆ یەکشەممە 2025.3.2، لە سەر فەرمانی سەرۆک بارزانی، فەرماندە مەنسوور بارزانی، سەردانی دیوانی پارێزگای هەولێری کرد و لە لایەن ئومێد خۆشناو، پارێزگاری هەولێر پێشوازی لێکرا.
پاشان لە کۆبوونەوەیەکدا، بە ئامادەبوونی چیا هەرکی، یاریدەدەری بەرپرسی مەکتەبی ڕێخستنی هەولێری پارتی و بڵند ئیسماعیل، بەرپرسی لقی2 و ئاری نانەکەلی، بەرپرسی لقی16 و سەنگەر کانەبی، بەرپرسی لقی23ی قەرەچووغ و ڕزگار ئەنوەر بەرپرسی لقی24ی سەفینی پارتی، بەرنامەیەکی خێرخوازی بۆ مانگی پیرۆزی ڕەمەزان دیاریکرا، کە لە بەیانییەوە سەدان فڕنی نان لە سنووری پارێزگای هەولێر بۆ خەڵکی هەژار و کەمدەرامەت بەخۆڕایی دەبێت و هەروەها دابینکردنی شیرینی و ئاو بۆ 2 هەزار مزگەوت، کە لەلایەن فەرماندە مەنسوور بارزانی بوودجەی تایبەتی بۆ تەرخانکراوە.