بۆیەکەمجار کار لەسەر پلاتفۆرمێکی ناوازەی فێربوونی کارلێکەرانە Interactive دەکەین بۆ پۆلەکانی یەکەم و دووەم و سێیەمی بنەڕەتی . کە لەساڵی ئاییندەی خوێندن بەردەست دەبێت .
( قوتابخانەکەم) قوتابخانەی دیجیتاڵی کارلێکەرانەی وەزارەتی پەروەردەی حکومەتی هەرێمی کوردستانە. نەوەی ئەلفا لەگەڵ پێشکەوتنە بەرچاوەکانی بواری تەکنەلۆژیا لە دایک بوون و ژیان دەکەن ، بە گرنگ زانراوە کە بۆ ئەو نەوەیە پرۆسەی فێربوون ئاوێزانی تەکنەلۆژیا بکرێت و لەهەمانکاتدا گونجاندنی بۆ بکرێت کە بتواندرێت رێگاکانی فێربوون ئاسان و چێژبەخش بکرێن . تەکنەلۆژیا لە هەموو بوارەکان سوودی لێورردەگیرێت گرنگە لە بواری پەروەردە و فێربوونیش سوودی لێوەربگیرێت، ئەم هەوڵە بە هاوکاری هاوبەشەکانمان زیادبوونێکی جۆرییە بۆ هەوڵەکانی وەزارەتی پەروەردە بە ئاڕاستەی گۆڕانکاریی و وەرچەرخان .لەهەمانکاتیشدا هاوکارێکی گرنگی قوتابی و خانەوادەکەشیان دەبێت بۆ دەستڕاگەیشتن بە پرۆسەیەکی پەروەردەیی و فێرکاری باشتر.
