جێگری سهرۆكی پارتی چاكسازی توركمان باس له رۆژی نزای نیشتیمانی دهكات و بهگرنگ ناوی دهبات.
مونا قههوهچی دهنووسێت: “سبەی بە بەشداری رێزدار سەرۆک مەسعود بارزانی، رۆژی نزای نیشتیمانی بەرێوەدەچێت، ئەمە یەکەمین رووداوی مێژوویی لەم شێوەیە کە تیایدا رێبەر و سەرکردە و پشتیوانانی ئازادی ئایین و بیروباوەرە جیاوازەکان لە سەرتاسەری جیهان بەشداری تێدا دەکەن، کە ئامانج لێی رەخساندنی کەشێکی روحیانی پڕ لە نزا و پاڕانەوەیە بۆ خوای گەورە کە ڕەنگدانەوەی پابەندبوونیانە بە پێکەوەژیانی ئاشتیانە و لێبوردەیی و ئازادی ئایینی.
ئهوهش دهخاتهروو: ئامادەبوونی رێزدار سەرۆک بارزانی لە بۆنەیەکی گرنگی لەم شێوەیە جەختکردنەوەیە لە پابەندی هەرێمی کوردستان بە بنەماکانی پێکەوەژیانی ئاشتیانەی نێوان پێکهاتەکان و قوڵبوونەوەی گیانی لێبوردەیی و یەکترقەبووڵکردن و پتەوبوونی کەلتوری پێکەوەژیان لە ناوچەکەدا، سەرۆک بارزانی هەمووکات سەنگەری بەرگری بووە لە پاراستن و چەسپاندنی مافەکانی سەرجەم پێکهاتە جیاوازەکان لە هەرێمی کوردستان و هەمیشە کاری لەسەر پتەوبوونی پێکەوەژیانی ئاشتیانەی نێوان پێکهاتەکان کردوە جەختی لە بەشداریان لە کۆی کایەی حکومرانی و پرۆسەی سیاسی کردۆتەوە.