ئەمڕۆ پێنجشەممە مەسرور بارزانی سەرۆکی حکوومەتی هەرێمی کوردستان لە واشنتن، لەگەڵ سێناتۆر ڕۆجەر ویکەر سەرۆکی لیژنەی خزمەتگوزاریی سەربازيی ئەنجوومەنی پیرانی ئەمەریکا و سێناتۆر جاک ڕید ئەندامی لیژنەکە کۆبووەوە.
لە کۆبوونەوەکەدا هەردوو سیناتۆر پشتیوانیی خۆیان بۆ هێزی پێشمەرگە و هەرێمی کوردستان دووپات کردەوە و جەختیان لە گرنگیی پتەوکردنی هاوبەشی و هاوپەیمانیی نێوان ویلایەتە یەکگرتووەکانی ئەمەریکا و هەرێمی کوردستان کردەوە.