سەرۆکی حکومەتی هەرێمی کوردستان بڕیاریدا پێش جەژنی رەمەزان، شایستە داراییەکانی مامۆستایانی وانەبێژ خەرج بکرێت.
ئەمڕۆ چوارشەممە، 03-04-2024، مەسرور بارزانی، سەرۆکی حکومەتی هەرێمی کوردستان بڕیاریدا بە زووترین کات و پێش جەژنی رەمەزان، شایستە داراییەکانی مامۆستایانی وانەبێژ خەرج بکرێت.
نزیکەی 35 هەزار و 550 وانەبێژ لە هەرێمی کوردستان هەن. مانگانه 13 ملیار و 200 دینار وەکو شایستەی دارایی لەلایەن وەزارەتی داراییەوە بۆیان تەرخانکراوە. مووچەی ئەو وانەبێژانەی بڕوانامەی بەکالۆرۆیسیان هەیە، 400 هەزار دینارە و و ئەوانەی بڕوانامەی دبلۆمیشیان هەیە، 350 هەزار دینارە.