كاندیدێكی پارتی لە پارێزگایی هەولێر دەلێت هەروەک چۆن پارتی دیموکراتی کوردستان هەول دەدات بۆ چەسپاندنی دەولەتێکی فیدرالی دروست وەک ئەوەی لە دەستوردا هاتووە ، کە دەولەتێکی دیموکراسی و ئارام بێت ئێمەش بۆ ئەو ئامانجە هەولدەدەین
خسرۆ هەركی كاندیدی ژمارە ٩ی پارتی دیموكراتی كوردستان لە پارێزگایی هەولێر بۆ ئاژانسی هەوالی زاگرۆس دەلێت من دەمەوێ ( ٣٤ ) سالەی خەباتی سیاسی و بەرگریکردن لە خاک نیشتمان بگوازمەوە نێو ئەنجومەنی نوێنەرانی عێراق بۆ ئەوەی بە شێوەیەکی یاسایی بەرگری لە ماف و دەستکەوتەکانی گەلی کورد بکەم.
خسرۆ هەركی گوتی بەلێن دەدەم ئەگەر میمانەی جەماوەرم بەدەست هێنا داکۆکیکاری مافە دەستوریەکانی گەلی کوردستان بم لە ناویاندا گەراندنەوەی ناوچە دابرێنراوەکانی کوردستان بە پێ ی ماددەی ( ١٤٠ ) ی دەستور و شایستە داراییەکانی خەلکی کوردستان و هێنانە کایەی هاوسەنگی ئەرک و مافی هاوولاتیانی کوردستان وەک هەر تاکێکی هاوولاتی دەولەتی فیدرالی عێراق، بەتایبەت دامەزراندنی دەرچوانی زانکۆ و پەیمانگاکان.
هەركی گوتیشی بەهەموو توانام هەول دەدەم کە دروشمەکانی پارتی دیموکراتی کوردستان لە سەر ئەرزی واقع جێ بەجێ بکەین