کۆمیسیۆنی باڵای هەڵبژاردنەکانی عێراق رێژەی بەشداریکردنی لە هەڵبژاردنەکانی ئەنجومەنی نوێنەران بڵاو کردەوە.
کۆمیسیۆنی باڵای سەربەخۆی هەڵبژاردنەکانی عێراق بڵاویکردەوە: بەپێی ئەنجامی %99.7ی دەنگەکان، لە کۆی 20 ملیۆن و 63 هەزار و 773 کەس کە مافی دەنگدانیان هەبووە، 10 ملیۆن و 898 هەزار و 327 کەس بەشداری دەنگدانی گشتییان کردووە.
ئاماژەی بەوەشکرد: بەکۆی دەنگدانی گشتی و تایبەت، 12 ملیۆن و سێ هەزار و 143 کەس لەکۆی 21 ملیۆن و 404 هەزار و 291 کەس بەشداری دەنگدانیان کردووە، بەمەش رێژەی بەشداریکردن %55 بووە.