سەرۆكی حكوومەتی هەرێمی كوردستان لە پەیامی پیرۆزبایی جەژنی سەری ساڵی ئێزیدیان رایگەیاند كە حكوومەتی هەرێمی كوردستان بەردەوام دەبێت لە پشتیوانیكردن و پاراستنی ماف و تایبەتمەندییەكانی ئێزیدی و سەرجەم پێكهاتەكانی دیكەی هەرێمی كوردستان.
مەسرور بارزانی سەرۆكی حكوومەتی هەرێمی كوردستان لە پەیامە پیرۆزباییەكەدا رایگەیاند “ب هەلکەفتا جەژنا سەر ساڵا ئێزیدییان، گەرمترین پیرۆزباهییان ل تەڤایا خوشک و برایێن ئێزیدی ل کوردستانێ و عێراقێ و جیهانێ و هەردوو رێزدارا میر حازم تەحسین بەگ ميرێ ئێزدیيان و بابه‌شێخ شێخ عەلی ئیلیاس و جڤاتا ڕوحانى دکەم. هیڤیدارم ب خۆشی و شادی ڤێ جەژنێ ببوورينن”.
راشیگەیاند “ب هاتنەڤا ڤێ ڕۆژا پیرۆزا ئایینێ ئێزیدی، دووپات دکەینەڤە، کو حکوومەتا هەرێما کوردستانێ دێ یا بەردەوام بیت ل سەر پشتەڤانیکرن و پاراستنا ماف و تایبەتمەندیێن ئێزیدییان و تەڤایا پێکهاتەیێن دی یێن کوردستانێ .
مەسرور بارزانی لە كۆتایی پەیامە پیرۆزباییەكەدا هەروەها رایگەیاند “سەرساڵا وە پیرۆز بیت و هیڤیدارم هەر د خێر و خۆشیێ دا بن”.