جێگری سه‌رۆكی پارتی چاسازی توركمان ئاماژه به‌وه ده‌كات كه ئەمرۆ هەرێم پێویستی بە هاوکاری، یەکگرتوویی و بڕیارێکی بەرپرسانە هەیە، چونکە دواکەوتنی دامەزراندنی دامەزراوە دەستوورییەکان کاریگەری لەسەر ژیانی هاووڵاتیان و دۆخی سیاسی و ئابووری جێدەهێڵێت.
مونا قه‌هوه‌چی، بۆ ئاژانسی هەواڵی زاگرۆس گوتی: “پەرلەمان دەبێت ببێتە شوێنی گفتوگۆ و چارەسەری کێشەکان، و کابینەی نوێش بە بنەمای هاوبەشی و ڕێزگرتن لە ئیرادەی خەڵک پێکبهێندرێت، تاکو متمانەی هاووڵاتیان بە دامەزراوەکان زیاتر بێت.پاراستنی قەوارەی سیاسی هەرێم تەنها بە وشە نییە، بەڵکو بە هەنگاوی پراکتیکی و خزمەتکردنی هاووڵاتیان دەپارێزرێت. هەرکاتێک دامەزراوەکان بەهێز بن، هەرێمی کوردستانیش بەهێزتر و یەکگرتووتر دەبێت.