ئەمڕۆ کاسبکارێکی دەڤەری برادۆست لە نزیک کوێستانی بەربزین بەهۆی تەقینەوەی TNT بەسەختی بریندار دەبێت.
بەپێی زانیارییەکانی ئاژانسی هەواڵی زاگرۆس، ئەو کەسەی کە برینداربووە ناوی حەکیم مامەند قادرە، لە تەمەنی 31 ساڵیدایە و خەلکی گوندی شیوەگەرمکە، بەهۆی تەقینەوەی TNT قاچەکانی برینداربوونە و ئەگەری ئەوە هەیە کە پەنجەی قاچەکانی لەدەست بدات.
جێی باسە، ئەمڕۆ ژمارەیەک کاسبکار بە ئۆتۆمبێل چوونەتە کوێستانی دەڤەری برادۆست بەڵام بەسەر TNTدا دەکەون. و کەسێک بریندار دەبێت، دوای چارەسەری سەرەتایی لە بنکەی تەندروستی سیدەکان، ڕەوانەی فریاکەوتنی نەخۆشخانەی ئاشتی کراوە لە سۆران.