مارک کاسادۆی ئەستێرەی لاوی ئیسپانی سەرەڕای ئەوەی داهاتووی لە یانەی بەرشەلۆنە مسۆگەر نییە و گومانی زۆری لەسەرە، بەڵام لەگەڵ یانەکەدا گەشتی ئینگلتەرای کردووە بەمەبەستی ئامادەکاری بۆ وەرزی نوێ.
ئەم دۆخە نەخوازراوەش دوای ئەوە دێت کە هانسی فلیکی راهێنەر گڵۆپی سەوزی هەڵکردووە بۆ فرۆشتنی، چونکە لە ماوەی رابردوودا بەرپرسانی یانەکە چەند ئۆفەرێکیان بەهۆی کەمبوونی بڕەکەیان رەتکردووەتەوە و ئێستاش داوای بڕی 40 ملیۆن یۆرۆ دەکەن بەرامبەر دەستبەرداربوونلێی.
لەلایەکی تریشەوە، چەند یانەیەکی خولی سعودیە گرنگی بە تواناکانی دەدەن و بەتایبەت یانەی هیلال لەسەر داوای سیمیۆنی ئینزاگی راهێنەر هەوڵی ئیمزاکردنی گرێبەست لەگەڵیدا دەدەن.