ڕۆژنامەنووسی ناوداری ئەڵمانی فلۆریان پلێتنبێرگ لە نوێترین هەواڵیدا ئاشکرای کرد یانەی بارسێلۆنای ئیسپانی لەگەڵ ڕافینیای ئەستێرەی هێڵی هێرشبەری گەیشتۆتە ڕێککەوتنی کۆتایی بۆ نوێکردنەوەی گرێبەستەکەی تاکو ماوەیەکی درێژتر لەوەی ئێستای.
بەگوێرەی زانیارییەکان بێت ڕافینیا ئیمزای لەسەر گرێبەستە نوێیەکەی کردوە و تاکو ساڵی 2030 لەگەڵ بارسێلۆنا بەو گرێبەستە نوێیە دەمێنێتەوە،کە ئەمەش دوای گفتوگۆیەکی چڕ لەنێوان هەردوو لایەن هاتۆتەدی و لەماوەیەی داهاتووشدا بەفەرمی ئەو گرێبەستە ڕادەگەیەندرێت.
ڕافینیا لەساڵی 2022 لەیانەی لیدز یونایتدەوە پەیوەندی بە بارسێلۆناوە کرد و لەگەڵ یانە کەتەلۆنیەکە توانیویەتی ئاستێکی خەیاڵی پێشکەش بکاتە،کە لەڕووی نازناوی بەکۆمەڵەوە خاوەن دەستکەوتی نرخدارە و ئەم وەرزەش تاکو ئێستا وەکو باشترین هێرشبەری ئەوروپا بەدرێسی بلوگرانا دەدرەوشێتەوە.
“سەرکار ڕێبوار”