لە یارییەکانی قۆناغی کۆمەڵەکانی کۆپا ئەمریکا و لە کۆمەڵەی یەکەمدا، هەڵبژاردەی ئەرجەنتین ڕووبەڕووی هەڵبژاردەی چیلی بویەوە.
لە ئەنجامدا هەڵبژاردەی تانگۆ توانی یارییەکە بە گۆڵێکی بێوەڵام شکست بە چیلی بهێنێت و بگاتە قۆناغی داهاتوو.
هەر لە تایمی یەکەمدا هەڵبژاردەی ئەرجەنتین بە بەهێزی هاتە نێو یاریگاوە و هەردوو لا لە هەوڵەکانیان بەردەوامبوون بۆ تۆمارکردنی گۆڵێک، بەڵام نیوەی یەکەم هیچ گۆڵێک تۆمار نەکرا.
لە تایمی دووەمدا، مێسی و هاوڕێکانی لە ئاستە بەرزەکەیان بەردەوامبوون، تا لە خولەکی 88دا یاریزان لاوتارۆ مارتینێز تۆڕی گۆڵی چیلی هەژاند و هەڵبژاردەکەی کردە خاوەنی گۆڵێک.
بەم سەرکەوتنە، هەڵبژاردەی بە کۆکردنەوەی 6 خاڵ پێشەنگی کۆمەڵەکەیەتی گەیشتە قۆناغی داهاتوو و چیلیش لە پلەی سێیەمدایە و یەک خاڵی هەیە.