لە یارییەکانی کۆمەڵەی چوارەمی کۆپا ئەمریکا، هەردوو هەڵبژاردەی بەرازیل و پاراگوای ڕووبەڕووی یەکتر بوونەوە.
لە ئەنجامدا هەڵبژاردەی بەرازیل توانی یارییەکە بە چوار گۆڵ بەرامبەر بە گۆڵێک شکست بە پاراگوای بهێنێت.
هەر لە تایمی یەکەمدا، یاریزانانی بەرازیل بە هێرشبردن دەستیان پێکرد، ناوبژیوان لێدانێکی سزای بۆ زەردەواڵەکانی هەژمارکرد، بەڵام لە خولەکی 31دا لوکاس پاکێتا لێدانەکەی سزای لەدەستدا، دوای ئەوە بەرازیلیەکان توانیان سێ گۆڵ لە خولەکەکانی 35 و 43 و پێنجی زیادکراو لە رێگەی ڤینیسیۆس جۆنیۆر دوو گۆڵ و ساڤیۆ مۆرێرا تۆماربکەن.
لە سەرەتای تایمی دووەمدا و لە خولەکی 48 عومەر دێرێتی گۆڵێکی بۆ ئیکوادۆر تۆمارکرد،
بەڵام لە خولەکی 65 لوکاس پاکێتا بە لێدانی سزا گۆڵێکی تری بۆ بەرازیل کرد و سەرەنجام یاریەکەیان بە ئەنجامی چوار گۆڵ بەرامبەر گۆڵێک بردەوە.
لە یارییەکەی تری هەمان کۆمەڵە، هەڵبژاردەی کۆڵۆمبیا رووبەڕووی کۆستاریکا بووەوە، لە ئەنجامدا کۆڵۆمبیا توانی بە سێ گۆڵی بێبەرامبەر بردنەوەی بەدەستهێنا.
بەو ئەنجامانە، کۆڵۆمبیا بە کۆکردنەوەی شەش خاڵ لە پێشەنگی ریزبەندیدایە و گەیشتنی بە قۆناغی چارەکی کۆتایی مسۆگەر کرد، بەرازیل چوار خاڵی هەیە و لە پلەی دووەمدایە.