گۆڵەکەی برێنتفۆرد بەرامبەر سیتی دەچێتە مێژووی پریمەرلیگەوە مانچستەر سیتی خۆی بە گۆڵێکی پێشوەختە لەدوای خۆی بینیەوە لەکاتی ڕووبەڕووبوونەوەی لەگەڵ برێنتفۆرد، ئەمڕۆ شەممە لە یاریگای ئیتیحاد، لە قۆناغی چوارەمی خولی ئینگلیزیدا.
برێنتفۆرد دوای کەمتر لە خولەکێک لە دەستپێکی یارییەکە توانی گۆڵی پێشەنگی تۆمار بکات، لە ڕێگەی یۆان وێسا.
بەپێی تۆڕی ئاماری ئۆپتا، وێسا خێراترین گۆڵی تا ئێستا تۆمارکردووە، بەرامبەر پاڵەوانی بەرگریکاری پرێمەرلیگ، دوای تەنها 22 چرکە.
هەروەها باس لەوە کرا کە ئەم گۆڵە خێراترین گۆڵە لە خولی ئینگلیزی لە سەرەتای وەرزی ئێستاوە.
ئاماژەی بەوەشکردووە، ئەمە خێراترین گۆڵە کە مان سیتی لە یاریگای خۆیدا لە خولی ئینگلیزیدا لێی بدات.
بەڵام ئەم گۆڵە لە 15 گۆڵی سەرەکی مێژووی پریمەرلیگدا نەبووە.