نوێترین زانیاری لەسەر پێکانەکەی شتیگن ئاشکرا دەکرێت

ئەمڕۆ دووشەممە، بارسێلۆنا بەیاننامەیەکی فەرمی سەبارەت بە پێکانەکەی گۆڵپارێزی ئەڵمانی، مارک ئەندرێ تێر شتیگن بڵاوکردەوە.
تێر شتیگن لە کاتی یارییەکەی ڤیاریالدا ئەژنۆی توشی پێکان بوو، دوای ئەوەی هەستا بۆ گرتنی تۆپەکە، چونکە بە هەڵە کەوتە سەر ئەژنۆی.
گۆڵپارێزە ئەڵمانییەکە هاتە دەرەوە و دەستەکانی لەسەر دەموچاوی دانا، ئەمەش لەکاتێکدایە کە لە حاڵەتی دڵەڕاوکێیەکی زۆر لەناو ستافی تەکنیکی بەرشەلۆنەدا دروستبووە.
بارسێلۆنا لە بەیاننامەیەکی فەرمیدا لە هەژماری تایبەتی خۆی لە تۆڕی کۆمەڵایەتی تویتەر ڕایگەیاندووە، “مارک تێر شتیگن بەدەست پچڕانی تەواوەتی ڕیشاڵی پاتێلار لە ئەژنۆی ڕاستیدا دەناڵێنێت”.
ئاماژەی بەوەشکرد، “ئەمڕۆ تێر ستیگن چارەسەری نەشتەرگەری بۆ دەکرێت، دوای کۆتایی هاتنی نەشتەرگەرییەکەش بەیاننامەیەکی نوێی پزیشکی بڵاودەکرێتەوە”.