فاسۆلیای سەوز یەکێکە لەو سەوزەواتانەی دەچێتە ڕیزی پاقلەمەنیەکانەوە سوودێکی تەندروستی زۆری هەیە، رێژەیەکی زۆر کەم کالۆری و چەوری تێدایە، دەوڵەمەندە بە ڤیتامین و خوێیە کانزاییەکان بە گونجاوتری سەوزە بۆ توشبووانی شەکرە دادەنرێت.
فاسۆلیای سەوز سەرچاوەیەکی سەرەکی ڕیشاڵەکانە یارمەتی باشترکردنی کرداری هەرس دەدات، رێگری توشبوون بە نەخۆشیەکان و شێرپەنجە دەکات بەتایبەتی شێرپەنجەی قۆڵۆن، هەروەها یارمەتی دابەزینی ڕێژەی کۆلیستڕۆڵی خراپ دەدات.
سەرچاویەکی سەرەکی کانزاکان، ڤیتامینەکان دژەئۆکسان و ترشی فۆلیکە، سوودێکی زۆری بۆ خانمانی دووگیان هەیە، چونکە یارمەتی گەشەی کۆرپەلەکەی دەدات و ڕێگری لە کەمئەندامبوونی کۆرپەلە دەکات، لەگەڵ ئەوانەشدا سوودێکی زۆری بۆ تەندروستی چاو و ئێسکەکان هەیە.