مانچستەر یونایتد جارێکی دیکە کەوتە داوی یەکسانبوونێکی بێ گۆڵ لە دەرەوەی یاریگای خۆی لەگەڵ ئەستۆن ڤێلا، ئەمڕۆ یەکشەممە لە قۆناغی حەوتەمی خولی ئینگلیزی.
دوای ئەوەی لە 3 گەڕی کۆتاییدا 7 خاڵی بەفیڕۆدا، یانەی مانچستەر یونایتد بە 8 خاڵ دابەزی بۆ پلەی 14، ئەستۆن ڤێلاش بە گەیشتن بە خاڵی 14 لە پلەی پێنجەمدا جێگیر بوو.
یەکەم هەوڵی مەترسیدار لەلایەن مانچستەر یونایتدەوە بوو، دوای ئەوەی ڕاشفۆرد لێدانێکی بەهێزی تۆمارکرد، کە بە شێوەیەکی درەوشاوە لەلایەن مارتینێزی گۆڵپارێزەوە ڕێگری لێکرا.