ڤینیسیۆس جونیۆری بەڕازیلی، ئەستێرەی یانەی ڕیال مەدرید، بێدەنگی خۆی شکاند، دوای ئەوەی ڕایگەیاند، ڕۆدری یاریزانی یانەی مانچستەر سیتی تۆپی ئاڵتونی بۆ ساڵی 2024 دانراوە.
ڤینیسیۆس، لە هەژماری فەرمی خۆی لە تۆڕی کۆمەڵایەتی “X” وتی: “ئەگەر پێویست بکات 10 هێندەی هەوڵی خۆم دەدەم”.
دوێنێ دووشەممە، یانەی ڕیال مەدرید بڕیاریدا بایکۆتی ئاهەنگی تۆپی ئاڵتونی زێڕین بکات و ڕێگە نەدات هیچ کام لە ئەندامەکانی بچێتە پاریس، دوای ئەوەی زانی یاریزانە بەڕازیلییەکەی تاجی سەر دانەنرێت و خەڵاتەکە دەبەخشرێتە ئەستێرەی هەڵبژاردەی ئیسپانیا.