شیڤینی نیکۆدیموس وەڵامی لێدوانەکانی فلۆرێنتینۆ پێرێزی سەرۆکی یانەی ڕیاڵ مەدریدی دایەوە.
فلۆرێنتینۆ پێرێز لەم دواییانەدا وتی: ڕۆژنامەنووس هەن کە کەس نازانێت کێن ئەمساڵ دەنگیان داوە ئەگەر دەنگی ڕۆژنامەنووسانی وڵاتانی وەک ئۆگاندا، نامیبیا، ئەلبانیا و فینلاند نەبوایە، ڤینیسیۆس خەڵاتی تۆپی ئاڵتونی بەدەستهێنابوو.
ڕۆژنامەنووسەکە وەڵامی پێرێزی دایەوە، لە ڕادیۆی ئیسپانیا کادینا سێر: “لە ڕاستیدا پێموایە ئەم لێدوانانە تەنها لە کەسێکەوە سەرچاوە دەگرن کە وەک پێرێز هەست بە بێزاری دەکات.”
ئاماژەی بەوەشکرد: ئەو پێی وایە خەڵکی وڵاتەکەم و ئەو وڵاتانەی تر کە باسکراون دەنگێکی گرنگیان نییە، چونکە ئێمە مرۆڤی کەمترین.