یاریزانانی یانەی ڕیال مەدرید ئەمڕۆ شەممە، دوای ئەوەی دوێنێ لە ڤالێنسیایان بردەوە، لە یاریی دواخراوی گەڕی 12ی خولی ئیسپانیدا، مەشق و ڕاهێنانێکیان ئەنجامدا.
بەگوێرەی پێگەی فەرمی یانەی ڕیال مەدرید، یاریزانانی شاهانە مەشق و ڕاهێنانێکیان لە شارە وەرزشییەکە ئەنجامداوە بۆ ئەوەی خۆیان بۆ یەکەم یاری جامی پاشا ئامادە بکەن.
بڕیارە سبەی دووشەممەی داهاتوو یانەی ڕیال مەدرید لە قۆناغی 32 لە یاریگای کارتاگۆنۆڤا ڕووبەڕووی دیپۆرتیڤا مینێرا ببێتەوە.
ئاردا گولەر بەهۆی تووشبوون بە ئەنفلۆنزاوە بەشداری مەشقی گروپی نەکرد، لە بەرامبەردا دەیڤید ئالابا بەشێکی دانیشتنەکەی لەگەڵ تیپەکەدا تەواو کرد، هاوکات دانی کارڤاخال و ئیدەر میلیتاو بەردەوام بوون لە بەرنامەکانی چاکبوونەوەیان.