بەرشەلۆنە چاوی لە پلەی یەکەمی چامپیۆنزلیگە

بارسێلۆنا بە کۆکردنەوەی ١٥ خاڵ لە پلەی دووەمی چامپیۆنزلیگدایە، تەنها دوو قۆناغی ماوە بۆ کۆتایی هاتنی قۆناغی یەکەم.
بەگوێرەی ڕۆژنامەی “مارکا”ی ئیسپانی، بەرشەلۆنە ئامانجی کۆکردنەوەی 27 ملیۆن یۆرۆیە، لەکۆتایی قۆناغی ئێستا.
ئاماژەی بەوەشکردووە، بەڵام ئەوە پێویستی بە کۆتاییهێنان بە پلەی یەکەمی ڕیزبەندییەکە دەبێت، کە لیڤەرپوول لە ئێستادا بە 18 خاڵ بەدەستیەوەیە، ئەگەر ئەوەش ڕووبدات بارسێلۆنا 10 ملیۆن یۆرۆی دەستدەکەوێت.
ڕوونیشیکردەوە، بە تەواوکردنی قۆناغی یەکەمی بەرشەلۆنە لە هەشت پلەی یەکەمدا، گەرەنتی دوو ملیۆن یۆرۆی دیکەی بۆ دەکات، هاوکات پاداشتی بنەڕەتی پاڵاوتنەکان 11 ملیۆن دەبێت.
ڕۆژنامەی مارکا بڵاویکردووەتەوە، بردنەوەی بەرشەلۆنە لە دوو قۆناغی داهاتوودا بەرامبەر بەنفیکا و ئەتالانتا دەبێتە گەرەنتی پاداشتێکی دیکەی بەرشەلۆنە کە بڕی 4.2 ملیۆن یۆرۆیە.