ڕۆژی سێشەممەی ڕابردوو یانەی مانچستەر سیتی ڕایگەیاند، ناتان ئاکی بەرگریکاری هۆڵەندی نەشتەرگەری بۆ پێی چەپی بۆ کراوە.
یانەی مانچستەر سیتی لە پێگەی فەرمی خۆی بەیاننامەیەکی بڵاوکردەوە و تیایدا هاتووە: ناتان ئاکی نەشتەرگەرییەکی سەرکەوتووی بۆ ئەنجامدرا بەهۆی شکانی پێی چەپییەوە.
لە بەیاننامەکەدا ئاماژە بەوەشکراوە، بەرگریکارەکەی سیتی لە گێمی یەکەمی یارییەکەی شەممەی ڕابردوودا بە ئەنجامی 3-1 لە یانەی پلیمۆس لە قۆناغی پێنجەمی جامی یەکێتی ئینگلتەرا لە یاریگای ئیتیحاد گۆڕدرا، دوای ئەوەی ئەو کێشەیەی زیاتر کرد کە بە درێژایی ژیانی وەرزشی تووشی کێشە بووە.
“ئێستا پشوو دەدات و چاک دەبێتەوە پێش ئەوەی دەست بە چاکسازییەکەی بکات. هەموو کەسێک لە سیتی هیوای چاکبوونەوەی خێرا بۆ ناتان دەخوازن.”