ڕۆژنامەنووس ساچا تاڤۆلیێری ئاشکرایکردووە، مانچستەر سیتی پەیوەندی لەگەڵ بریکاری عەلی پرات کردووەتەوە لە هەوڵێکدا بۆ ڕاکێشانی چاڤی سیمۆنز یاریزانی هۆڵەندی،کە ئێستا نزیکە لە پەیوەندیکردن بە چێڵسی، لەکاتێکدا ڕۆیشتنی لە لایپزیگ نزیکە.
سەبارەت بەو گفتوگۆیانەی چێڵسیش دانوستانەکانی نێوان چێڵسی و لایپزیگ بەردەوامن ئەمەش لە کاتێکدایە کە هەردوولایان بۆ تەواوکردنی گرێبەستەکە چاوەڕێی ئەنجامی چەند ڕۆژی داهاتوو دەکەن.
مان ستیش هەوڵی تەواوەتی دەدات بۆ بەدەستهێنانی سیمۆنز،کە لە یاریزانەکە نزیکبونەتەوە و دەیەوێت پێش چێڵسی بکەوێت لە گرێبەست کردن لەگەڵ ئەو ئەستێرەیە و پێکهاتەی یانەکەی بەهێزتر بکات.