قەرار وابوو 21ـی ئەم مانگە هەڵبژاردن بۆ دەستەی کارگێڕی یانەی دهۆک ئەنجام بدرێت و یانەکە بچێتە قۆناغێکی دیکە لە ڕووی کارگێڕی و ئیدارەوە،بەڵام ئەمڕۆ ئەوە ئاشکرا بوو هەڵبژاردنەکان دوادەخرێن بۆ کاتێکی تر ئەمەش لەبەر چەند هۆکارێک.
بەگوێرەی زانیاریەکان هۆکاری گرنگ بۆئەنجام نەدانی ئەو هەڵبژاردنە دەگەڕێتەوە بۆ بەڕێوەچوونی جامی جیهانی فوتساڵی ئافرەتان و یانەی دهۆک دەیەوێت لە سەقامگیریەکی باش و ئارامیەکی زۆر هەڵبژاردنەکان ئەنجام بدات تاکو بە باشترین شێوە دەستەی کارگێڕی نوێ دیاری بکرێت.
شایەنی باسە دەستە کارگێڕیەکەی ئێستای یانەی دهۆک یەکێکە لە باشترین دەستەی کارگێڕی یانەکە ئەمەش بەهۆی کۆکردنەوە داهاتێکی زۆر بۆ یانەکە و بردنەوەی دوو نازناوی گەورە لەوەرزی ڕابردوودا و هێشتنەوەی یانەکە وەکو یانەکی گەورەی کەنداو.
“سەرکار ڕێبوار”