بوکایۆ ساکای هێرشبەری نێودەوڵەتی ئینگلتەرا نزیکە لە درێژکردنەوەی گرێبەستەکەی لەگەڵ ئارسناڵ، بەمەش لە دوای ساڵی ٢٠٢٧ لە یانەکەی دەمێنێتەوە، ئەو ساڵەی گرێبەستەکەی ئێستای کۆتایی دێت.
ساکا گرێبەستەکەی لەگەڵ ئارسناڵ درێژدەکاتەوە و نوێدەکاتەوە لە بەرامبەر زیادکردنی مووچەی هەفتانەی، ئەمەش وا دەکات مووچەیەکی بێ وێنەی بۆ هیچ یاریزانێک لە مێژووی یانە لەندەنەکەدا بەدەستبهێنێت.
میدیاکانی ئینگلتەرا بڵاویانکردەوە، یاریزانە ئینگلتەرایە هەفتانە 300 هەزار پاوەند مووچە وەردەگرێت بۆ درێژکردنەوەی گرێبەستەکەی لەگەڵ یانەی ئارسناڵ،کە ئەمە دەبێتە ڕیکۆردێکی مێژوویی بۆ بەرزترین مووچە لە مێژووی تیپەکە.