لە یارییەکی هەفتەی 11ی خولی ئیسپانیا، یانەی ئەتلەتیکۆ مەدرید لە یاریگای ریاز ئێر میترۆپۆلیتانۆ میوانداریی سیڤییەی کرد.
تایمی یەکەم، تیپەکەی سیمیۆنی بەهێزتر بیندرا، هێرشەکانی بۆ سەر گۆڵی میوان زیاتربوون و لە خولەکی 37 گۆنزالێز تۆپێکی لە ستونی گۆڵدا، سیڤییەش هیچ هێرشێکی مەترسیداری نەبوو، بەم شێوەیەش نیوەی یەکەم بەبێ گۆڵ کۆتاییهات.
لە تایمی دووەم، رۆخیبلانکۆس باڵی بەسەر یاریگادا کێشا و لە خولەکەکانی 64 و 77 و 90 سێ گۆڵیان لە رێگەی ئەلڤارێز بە لێدانی سزا و تیاگۆ ئەلمادا و ئەنتوان گریزمانەوە تۆمارکرد.
سەرەنجامیش یارییەکە بەو سێ گۆڵە لە سودی ئەتلەتیکۆ مەدرید کۆتاییهات، بەم ئەنجامە ئەتلەتیکۆ کۆی خاڵەکانیان بۆ 22 خاڵ بەرزکردەوە و لە پلەی چوارەمی ریزبەندیین، سیڤییەش پلەی 11ی گرتووە.