لەدوای ئەو ئاڵۆزیانەی بەهۆی گۆڕانکاری پێکردنی لەیاری کلاسیکۆ کەوتە نێوان چابی ئەڵۆنسۆ و ڤینسیۆس جۆنیۆری ئەستێرەی یانەی ڕیاڵ مەدرید،کە دوای ئەو ڕووداوە ڤینسیۆس بەیاننامەیەکی فەرمی بڵاو کردەوە و داوای لێبوردنی لە چابی و هاندەرانی ڕیاڵ مەدرید کرد ئەمڕۆش چابی وەڵامی قسەکانی ڤینسیۆسی دایەوە.
چابی ئەڵۆنسۆ لەبەردەم ڕاگەیاندنەکان وتی؛من دەمێکە ئەم بابەتەم داخستووە ڤینسیۆس بەیاننامەیەکی بڵاوکردەوە،کە کارێکی زۆر گرنگ بوو بۆ هەموومان و لەکۆبوونەوەی ڕابردووی تیپەکەمان لەبەردەم هەموواندا لەدڵەوە قسەی کرد من هەر لەو ساتەوە ئەم بابەتەم داخستووە
ڤینسیۆس یاریزانێکی ناوازەیە و کەسێکی گرنگە لە ڕیاڵ مەدرید.
ڤینسیۆس دەمێکی زۆر بوو مشتومڕی هەبوو لەگەڵ ڕاهێنەر و کارگێڕی ڕیاڵ مەدرید ئەمەش بەهۆی ئەوە پێیوایە پشتگوێ خراوە لەلایەن کارگێڕی و ڕاهێنەری ڕیاڵ مەدرید،کە ئەم بابەتەش زیاتر مشتومڕەکەی تەقاندەوە،بەڵام ئەو بەیاننامەیەی ڤینسیۆس تا پلەیەکی باش بابەتەی کپ کرد.
“سەرکار ڕێبوار”